星期一 , 是13-10-2008 , 是我這幾十年來最辛苦的經歷 !就是入醫院照胃鏡喇 ! 我之前也在網上看過有些人照胃鏡的經歷 , 都是辛苦的 ! 但昨天我來到醫院才知道是照胃鏡 , 其實在我的覆診單最後面是有說明做什麼檢查的 , 但我又大意沒有留意 , 直到去到醫院內醫生同我說 , 你今天要照胃架喎 ! 你知唔知架 ? 我當堂變左個雪人 ! 真係心都震埋 ! 唔知講咩好 , 只係對住醫生說左句 : 我都冇心理準備係照胃鏡 , 醫生立即說 : 唔緊要 , 這裡有張流程紙 , 只係五分鐘左右好快的 , 你可慢慢看下 , 我見到張紙 , 一路睇一路驚 ! 我問佢 : 是否好痛架 ! 他只是好”行貨”咁回答我 : 有少少唔舒服啦 !
當叫到我的時候 , 真像觸電一樣 , 唯有換了一件醫院衣服一步一步進入小型手術室 , 在這裡有著各種工具 , 我看到一條黑色的工具 , 像一條小型電纜 , 有食指咁粗 ! 好似粗過食指Tim ! 總之一見到佢就想立即走人 ! 可惜己經訓左係手術床上 , 首先係個護士向我口內噴一些麻醉藥 , 叫我暫時不要吞下去 , 待她一聲令下 , 我才吞下去 , 大約一分鐘左右 , 我的喉嚨已經沒有多大的感覺 , 只覺得喉嚨好似堅硬無比 ! 這時一位男護士把一粒膠喉套叫我咬住 , 外型是圓形的 , 中心是空 , 中心是好讓”電纜”在此通過到口的內部 , 而又能夠保護”電纜” , 不被我咬斷 , 當它入到我的喉嚨深處 , 已經嘔了一次 , 再入一些就連眼淚水也立即擁出來 ! 跟住落黎就係一味嘔 , 嘔左成二十次喇 ! 這個十幾分鐘的過程真係一生難忘 ! 在此我向大家提議 ! 如果真的有需要去照胃鏡的話 , 最好是全身麻醉 ! 祝各位健康快樂 !